Vesle Sildring på Vesle Kinn
Vi er tilbake, og neste samling blir på Vesle Kinn onsdag den 21. oktober kl. 18-21. Denne gongen tester vi ut konseptet Vesle Sildring - ein kveld for kreativt påfyll.
På programmet denne kvelden har vi med oss:
Tora Hope redaktør for Tidsskriftet Jaja og fagutviklar ved Jakob Sande - senter for forteljekunst.
Rolf Magne Golten, manusforfattar for kjente produksjoner som FØRSTEGANGSTEJESTEN og HODEJEGERNE, og barnebokforfattar bak dei suksessrike seriane KOKOSBANANAS, BILLIS OG BOLLOS og NATTNINJA.
Dei har begge skapt noko heilt unikt i Dale som også skapar moglegheiter for andre. Dette og mykje meir skal dei fortelje meir om.
Tora har også med seg Jaja si siste papirutgåve Kropp og forteljing som dei så forfriskande skildrar slik:
“Det er frå vår pustande, luktande, dunkande, døyande kropp vi skriv, fortel, lyttar og lever. Med kunstig intelligens kan ein rive tekstar laus frå kroppar, men uansett byrjar forteljinga om livet med kropp og slik sluttar ho òg, IRL.”
Vi håper du loggar deg av denne kvelden, kjem deg ut døra og inn på Vesle Kinn for å tilbringe kvelden med oss.
Som sist avsluttar vi med mingling, og vi har samtalekort til å bryte isen.
Vi møtast IRL.
Praktisk info:
Vesle Kinn, 21. oktober kl. 18-21.
Arrangementet er for deg som:
- —Jobbar eller ser etter samarbeidspartnarar innan kreativ næring
- —Vil gjere lidenskapen din om til noko du kan leve av
- —Skapar opplevingar, fellesskap og tilbod innan kunst- og kulturfeltet
- —Er nyfiken på kreativ næring og korleis den kan bidra til verdiskaping og arbeidsplassar
- —Vil bli inspirert og møte andre kreative
Arrangementet er gratis og opent for alle som ønsker å delta.
Om Sildring:
Sildring er eit nettverk for kreative folk med utspring i Kinn.
Gjennom ulike møteplasser skal vi bli kjent, lære frå kvarandre og bygge nettverk på tvers av bransjar og geografiske avstander for å styrke det kreative miljøet i indre og ytre Sogn og Fjordane.
Vesle Sildring er det fjerde av seks arrangement som vi skal arrangere innan mars 2027.
Initiativet er støtta av Vestland Fylkeskommune, Sparebankstiftinga Sogn og Fjordane og Kulturrådet, og vert utvikla i samarbeid med Hermetikken Kulturnæringshage og Aksello.
Vesle Sildring er det fjerde av seks arrangement som vi skal arrangere innan mars 2027.
Vil du vere med oss å arrangere dei to neste?
Ta kontakt med oss på hei@sildring.com, så høyrer du frå oss.
